På norsk

Sámi skuvlahistorjá 2

Samien skuvle-vaajese 2

Sámij skåvllåhiståvrrå 2

Samisk skolehistorie 2

Árvvoštallamat ja válddahallamat

Ovdasiidogovva: Bjørg Monsen Vars Girjji sáhttá oastit girjegávppis dahje diŋgot lágádusas Davvi Girji.

Ovdasátni Sámi skuvlahistorjjá nubbi girji lea, nugo vuosttaš girji, čoakkáldat mas leat artihkkalat, muitalusat, muittut ja dokumeanttat, mat čájehit sámi ohppiid skuvlla iešguđetlágan beliid. Dat almmuhuvvo seamma áigge sihke girjin ja interneahtas, čujuhusas https://divvungiellatekno.github.io/skuvla.Interneahtaveršuvnnas lea sullii seamma teaksta go girjjis, muhto veahá eanet govat. Dát girji lea máŋgga olbmo ja ásahusa ovttasbarggu boađus. Mii háliidit giitit buohkaid, geat leat searvan bargui; čálliid, muitaleddjiid, jorgaleddjiid, korrektuvralohkkiid, govvideddjiid, dáiddáriid ja lágádusa, girjerájuid, arkiivvaid, museaid ja skuvllaid bargiid. Erenoamážit giitit ásahusaid mat leat ruhtadan almmuheami. Daid gávnnat girjji loahpas. Dáinna ráidduin mii háliidit kártet maid sámi oahppit leat vásihan norgga skuvllain. Kárttas leat ain máŋga vilges dielkku, ja dušše lohkkiid vehkiin sáhttit nagodit ivdnet daid. Mii ain háliidit muitalusaid ja dokumeanttaid boahttevaš girjjiide. Mii sávvat maiddái ahte sáddebehtet midjiide divodemiid ja liigedieđuid dán girjji ektui. Dalle mii sáhttit rievdadit interneahttaveršuvnna ja maiddái boahttevaš prentehusa jos dat šattaš áigeguovdilin. Artihkkaliid, cavgilemiid, cuiggodemiid ja divodemiid sáhtát sáddet lágádussii: Davvi Girji, Pb 13, N-9735 Kárášjohka tel 78469500 davvi@davvi.no dahje doaimmahusjoavkku jođiheaddjái: sveilund@online.no Dearvuođat doaimmahusjoavkkus: Elfrid Boine, Siri Broch Johansen, Svein Lund

Sisdoallu